Avto

"Jaguar" bu ölkədə satışını dayandırdı

2 Noyabr 2024 08:19
Baxış: 1 521
VTB-də minimal faiz dərəcəsi ilə nağd kredit 9.9%-dən
#AVTOMOBİL

Əfsanəvi Britaniya avtomobil istehsalçısı "Jaguar" Böyük Britaniyanın daxili bazarında yeni avtomobillərin satışını dayandırmaq qərarına gəlib. Bu, təxminən dörd il əvvəl təqdim edilən "Reimagine" adlı yeni brendin inkişaf strategiyası ilə bağlıdır.

Milli.Az oxu.az-a istinadən xəbər verir ki, bu strategiyaya əsasən, "Jaguar" 2025-ci ilə qədər tam olaraq lüks elektrikli avtomobil istehsalına keçməlidir. Bununla əlaqədar olaraq şirkət "E-Pace", "XE", "XF", "F-Type" və "F-Pace" kimi məşhur modellər də daxil olmaqla, Britaniya bazarı üçün daxiliyanma mühərrikli bütün modellərin istehsalını dayandırıb. Yığılmış bütün avtomobillər artıq satılıb.

Xarici bazarlar üçün "F-Pace" yolsuzluq avtomobilləri hələ də istehsal olunur, lakin onların da günləri sayılıdır.

"Jaguar"ın yeni strategiyasına görə, brend BMW, "Mercedes-Benz" və "Audi" kimi ənənəvi rəqiblərlə deyil, "Bentley" və "Aston Martin" kimi markalarla rəqabət aparacağı daha yüksək seqmentə keçəcək.

"Jaguar" hələ yeni nəsil elektrikli avtomobil təqdim etməyib, lakin ilk modelin "Porsche Taycan"ın rəqibi olacağı gözlənilir. 2026-cı ildə isə şirkət "Bentley Bentayga" lüks yolsuzluq avtomobilinə rəqib buraxacağını vəd edir.

Bununla paralel olaraq, indi sadəcə JLR adlanan "Jaguar Land Rover" şirkətinin strukturunda dəyişikliklər baş verir. "Land Rover" brendi yox olacaq və onun yerini "Defender", "Discovery" və "Range Rover" olmaqla üç marka tutacaq.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.