Avto

Maşınların ön şüşəsinə vurulan disklər radardan qoruyur?

7 Sentyabr 2024 13:32

Baxış: 2 582

VTB-də minimal faiz dərəcəsi ilə nağd kredit 9.9%-dən

#MARAQLI #AVTO #AVTOMOBİL

Yollarda hələ də qeyri-adi tüninqli avtomobillərə rast gəlmək olar. Belə ki, maşınların ön şüşəsinin altında tərsinə çevrilmiş kompakt disklər (CD) görünür. Sürücülərin bəzisi bunu CD-lərin antiradar xüsusiyyəti ilə izah edir.

Milli.Az oxu.az-a istinadən bildirir ki, rusiyalı avtomobil mütəxəssisi naavtotrasse.ru portalına müsahibəsində bununla bağlı açıqlama verib.

O, bəzi avtomobil həvəskarlarının adi kompakt disklərin maşınlarını DYP müfəttişlərinin əl radarları üçün görünməz edə biləcəyinə dair mifə inandıqlarını təsdiqləyib.

"Guya belə özəl antiradarla sürəti rahatca aşmaq və yolda cərimələnməkdən qorxmamaq olar. Ancaq bu şəhər əfsanəsindən başqa bir şey deyil. Yoldakı radarları CD disklərlə aldatmaq mümkün deyil", - deyə o izah edib.

Bununla belə, mütəxəssis avtomobilin ön şüşəsinə qoyulan disklərin başqa faydasının olduğunu vurğulayıb. Onun sözlərinə görə, kompakt disklər radarlara qarşı heç bir müdafiə verməsə də, günəş şüalarını əks etdirməsinə görə faydalıdır - uzaq məsafələr qət edən sürücülər məhz CD-lərin bu xüsusiyyətlərindən yararlanırlar.

"Uzun müddət sükan arxasında olan yük maşını sürücüləri göz qamaşdıran günəşdən əziyyət çəkirlər. Gözlərini qorumaq üçün onlar kompakt diskləri ön şüşənin altına günəşdən qoruyan günlük kimi yapışdırırlar. Bu estetik görünməsə də, öz funksiyasını yerinə yetirir", - deyə mütəxəssis bildirib.

Milli.Az

Xəbərlərimizi WhatsApp kanalımızdan da oxuyun