Əbu-Dabidə insanların həyatını xilas etmək üçün uçan motosiklet buraxılıb.
Milli.Az publika.az-a istinadla xəbər verir ki, BƏƏ-nin paytaxtında yeni hoverbike - futuristik uçan motosiklet buraxılıb. O, təhlükəli ərazidə axtarış-xilasetmə əməliyyatlarında insanların həyatını xilas etmək üçün istifadə olunacaq.
Motosiklet Yaponiya istehsalıdır. Yerdən 20 metr hündürlüyə qalxa və 80 km/saat sürətə çata bilir.
Hoverbike aviasiya və kosmik sənayedə istifadə olunan yüksək güclü karbon lifindən hazırlanıb. Onun çəkisi 300 kq-dır və yanacaq doldurulmadan əvvəl maksimum 40 dəqiqəyə qədər sürətlə uça bilir.
Sözügedən qeyri-adi nəqliyyatdan neft və qaz sənayesində, ucqar ərazilərə təcili yardımın çatdırılması və hətta tikinti sektorunda da istifadə oluna bilər.
Milli.Az