Avto

Kreditlə avtomobil almaq istəyənlərə şad xəbər - VİDEO

22 İyun 2022 17:37
0 Şərh     Baxış: 1 661
VTB-də minimal faiz dərəcəsi ilə nağd kredit 9.9%-dən
#VİDEO #AVTOMOBİL

Ekoloji təmiz avtomobillər üçün verilən kreditlərdə ilkin ödənişin aşağı salınması müzakirə olunur. 

Azərbaycan Banklar Assosiasiyası bu barədə məlumat yayıb. Bildirilib ki, əsas məqsəd ətraf-mühitin mühafizəsi, yaşıl energetikanın və yaşıl maliyyələşdirilmənin inkişaf etdirilməsi, eləcə də ölkədə hibrid avtomobillərin sayının artırılmasıdır. Bu istiqamətdə Ekologiya və Təbii Sərvətlər Nazirliyi ilə birgə tədbirləə başlanıb.

Milli.Az Xəzər TV-yə istinadən xəbər verir ki, Ekologiya və Təbii Sərvətlər nazirinin müşaviri Rasim Səttarzadə deyir ki, atmosferə atılan tullantıların əsas hissəsi nəqliyyat vasitələrinin payına düşür. Buna görə də ekoloji təmiz avtomobillərin asan formada əldə edilməsi vacib məsələdir. 

Nəqliyyat üzrə ekspert Ərşad Hüseynovun fikrincə, belə avtomobillərin əlçatanlığını təmin etmək üçün ilkin ödənişdən əlavə, digər məsələlərdə də güzəştlər tətbiq olunmalıdır.

Ekspert bildirir ki, ölkəyə yeni avtomobillərin gətirilməsi köhnələrin dövriyyədən çıxarılması, yəni utilizasiya prosesi ilə paralel aparılmalıdır. 

Qeyd edək ki, sözügedən məsələ ilə bağlı qərar Azərbaycan Banklar Asosiasiyası, Ekologiya və Təbii Sərvətlər Nazirliyi və Mərkəzi Bank arasında aparılan müzakirələrindən sonra veriləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.