Ermənistan

Terrorizm ermənilərin mentalitetindədir - İsrail eksperti

24 Noyabr 2021 10:24
0 Şərh     Baxış: 411

Mina xəritələrinin verilməsindən imtina beynəlxalq hüquqda terrorizmə bərabərdir. Çünki müharibədən sonra insanların ölümünə səbəb olmaq elə terrorla eyni şeydir. Ermənistanın etdiyi də budur.

Milli.Az xəbər verir ki, bu sözləri Axar.az-a beynəlxalq siyasət və hüquq üzrə israilli mütəxəssis Mixail Finkel rəsmi İrəvanın Azərbaycana minalanmış ərazilərin xəritələrini verməməsi və yaxud yalnız 25 faiz dəqiq olan xəritələrin təqdim edilməsi haqda danışarkən deyib.

Ekspert tezliklə Azərbaycanın mina sahələrinin xəritələrinə ehtiyac duymayacağı texnologiyalara sahib olacağını proqnozlaşdırır:

"O zaman artıq Azərbaycan bu məsələni özü həll edəcək, minaların təmizlənməsi üçün Ermənistanın köməyinə ehtiyac qalmayacaq. Şübhəsiz ki, Ermənistan xəritələri verməməklə ən yaxşı şərtlərlə sövdələşməyə çalışır. Onun üçün bu minalarda hərbi, yoxsa mülki şəxsin həyatını itirməsinin heç bir önəmi yoxdur. Ermənistanın bununla Ottova konvensiyasını pozması da onu narahat etmir, İrəvan heç bu konvensiyaya imza atmır. Bu konvensiyaya əsasən müharibə başa çatdıqdan sonra insan itkisinin qarşısının alınması məqsədilə iki döyüşən tərəf bir-birlərinə minalanmış ərazilərin xəritələrini təqdim etməyə borcludur".

Finkelin fikrincə, rəsmi İrəvanın xəritələri Azərbaycana verməməklə güzəştlərə sahib olmağı düşünür:

"Görünür, Ermənistan bununla gələcəkdə kommersiya, biznes və digər sahələrdə güzəştlərə nail olmağı umur. Və ya onlar xəritələri verməməklə sadəcə əclaflıq etməyə çalışır. Çünki terrorçuluq qarşı tərəfin mentalitetindədir, onlar praqmatik, rasional yanaşmadan məhrumdurlar. Bu yanaşma da terrorçu bir cəmiyyətin yanaşmasıdır. Erməni siyasi ictimaiyyəti daxilində müxtəlif mərkəzdənqaçma qüvvələri var. Onlar revanşistlərdir və müharibədən danışırlar", - deyə ekspert bildirib.

Xatırladaq ki, işğaldan azad edilmiş ərazilərdə 2020-ci il noyabrın 10-dan cari il noyabrın 22-dək minaya düşmələri nəticəsində əsasən mülki şəxslər olmaqla 180-ə yaxın şəxs həlak olub və ya yaralanıb.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.