Ermənistan

Ermənistanda fahişəliklə mübarizə zərurətə çevrilib - Deputat

22 Sentyabr 2017 17:58
3 Şərh     Baxış: 2 286
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Dayanıqlı İnkişaf Məqsədləri üzrə gender bərabərliyinin və qadın sağlamlığının təşviqinə Şərq Tərəfdaşlığı Ölkələri Parlamentlərinin cəlb edilməsi" adlı Bakıda keçirilən beynəlxalq konfransda iştirak edən Ermənistan parlamentinin deputatı Mane Tandilyan ölkəsində gender bərabərliyinin vəziyyətindən danışıb.

Milli.Az APA-ya istinadən xəbər verir ki, o, Ermənistanda gender bərabərliyinin qanunvericilikdə əksini tapdığını, mərkəzi inzibati strukturlarda da bu sahədə problem olmadığını deyib.

M. Tandilyan buna misal olaraq Ermənistanda kənd təsərrüfatı sahəsində çalışanların 50 faizdən çoxunun qadın olduğunu bildirib.

Bununla belə, erməni deputat deyib ki, Ermənistan parlamentində qadınların sayı Gürcüstandakından azdır: "Yerlərdə inzibati orqanlarda, siyasi partiyalarda da qadınların sayı azdır. Biz artıq şərt kimi irəli sürürük ki, siyasi partiyalarda qadınların sayı artsın.

Bizdə eyni zamanda fahişəliklə mübarizəyə də önəm verilir. Çünki bu, zərurətə çevrilib. Eyni zamanda selektiv abortların qanunla qadağan edilməsi təklifini də irəli sürmüşük. Bizdə təəssüf ki, hələ məişət zorakılığı ilə bağlıq qanun yoxdur, amma planlaşdırmışıq ki, yaxın zamanda müzakirəyə çıxarılsın". 

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.