Ermənistan

İrəvanda Paşinyana qarşı mitinq keçirilir

20 Fevral 2024 19:26

Baxış: 1 122

VTB-də minimal faiz dərəcəsi ilə nağd kredit 9.9%-dən

#ERMƏNİSTAN #AKSİYA #ERMƏNİ

İrəvanın mərkəzindəki Azadlıq meydanında "arsax hərəkatı"nın ildönümü ilə bağlı baş nazir Nikol Paşinyanın istefası tələbi ilə mitinq keçirilir.

Milli.Az axar.az-a istinadən bildirir ki, məlumata görə, mitinqdə əsas tələb "arsax"ı təslim edənlərin istefası olacaq. Bildirilib ki, mitinqdə Nikol Paşinyanın Ermənistanın baş naziri postundan istefa verməsinin 100-dən çox səbəbi açıqlanacaq. Etirazçılar "Biz Nikol Paşinyanın istefasını tələb edirik", "Arsaxın azadlıq mübarizəsi davam edir" yazılı plakatlar qaldırıblar.

Xatırladaq ki, 1988-ci il fevralın 20-də Dağlıq Qarabağ Xalq Deputatları Sovetinin Xankəndidə keçirilən növbədənkənar sessiyasında "Azərbaycan və Ermənistan SSR Ali Sovetlərinə Dağlıq Qarabağın Azərbaycan Respublikasının ərazisindən çıxarılması xahişi ilə müraciət etmək haqqında" qərar qəbul edilib.

Milli.Az
Xəbərlərimizi WhatsApp kanalımızdan da oxuyun