“Konyak diplomatiyası” İŞ BAŞINDA - Ermənilərin eyş-işrət məclislərinin avropalı aludəçisi

Rusiya orbitindən sürətlə uzaqlaşan Ermənistan elə həmin templə də Qərbə doğru irəliləməkdədir. Kremlin narazılığına və hədələrinə baxmayaraq Azərbaycan-Ermənistan sərhəddində müşahidəçilərini yerləşdirməyə nail olan rəsmi İrəvan ardınca avropalı siyasilərin, rəsmilərin və keçmiş diplomatların ölkəyə səfərlərinin sayını da artırıb. 90-cı illərin ənənəvi "konyak diplomatiyası" işə düşüb.

Düzdür, o zamanlar bu siyasət daha çox ruslarla bağlı həyata keçirilirdi. Forpost ölkə yüzillik sahibindən üz döndərib və Avropaya qucaq açıb. Artıq erməni lobbisindən yemlənən avopalı siyasilərin sırasına daha bir nəfər də daxil olub. Necə deyərlər, ermənilərin ənənəvi "konyak diplomatiyası" öz işini görməkdədir. NATO-nun keçmiş baş katibi Anders Foq Rasmussenin erməni lobbisindən aldığı vəsaitin həcmi o qədər yüksək olub ki, əndazəni tamamilə aşıb və Azərbaycanı hədələməyə keçib.

İddia edib ki, Azərbaycan Beynəlxalq Ədalət Məhkəməsinin qərarına baxmayaraq, Qarabağı blokadada saxlamaqda davam edir. İndiki şəraitdə Aİ Azərbaycana təzyiqlərini artırmalıdır. Laçın yolunun "blokadada" olduğu iddiasını sübut etmək üçün avropalıları sərhəddə yolun başlandığı yerə aparmaqda davam edən Ermənistan ABŞ səfiri Kristina Kvindən sonra İrəvanda səfərdə olan NATO-nun keçmiş baş katibi Anders Foq Rasmusseni bölgəyə aparıb. Hətta "Qarabağa qayıda bilməyən" ermənilərlə görüşü də təşkil edilib, halbuki yoldan mülki şəxslərin və yüklərin keçidində heç bir problem yoxdur. Rasmussenlə görüşən ermənilər də ya Qarabağda yaşayanlar deyil, ya da İrəvan tərəfindən belə hallarda istifadə edilmək üçün saxlanılanlardır.

Rasmussen artıq erməni lobbisinin "cibindədir"

Ermənistanda səfərdə olarkən qərəzli və çirkin iftiraları ilə diqqət çəkib. Baş nazir Nikol Paşinyan, müdafiə naziri Suren Papikyan, eləcə də Ermənistan KİV-lərinin baş redaktorları ilə görüşdən sonra bu tanınmış rusofob və maliyyə avantürist anti-Azərbaycan iftiraları ilə gündəmə düşməyə çalışıb. Səfərin diqqət çəkən məqamı ondan ibarətdir ki, hazırda Rasmussen qeyri-rəsmi, eyni zamanda Qərb üçün çox incə funksiyaları yerinə yetirir. Deməli, Rasmussenin çamadanında çox güman ki, erməni tərəfinə hansısa təklif və tələblər olub: Azərbaycanla bağlı problemlərdə dəstək müqabilində Rusiya ilə ayrı oyun oynamaq. Ermənistan ordusunu maliyyələşdirmək müqabilində qoşunların Ermənistan ərazisindən çıxarılmasına qədər Rusiya ilə bağlı bütün layihələrdən imtina edilməsi. Sirr deyil ki, keçmiş baş katib Ermənistan tərəfindən PR nümayəndə müəyyən olunub, ona böyük həcmdə pullar ödənilib və hətta Ermənistanda eyş işrət məclisləri də təşkil olunur. Necə deyərlər, Rasmussen artıq erməni lobbisinin "cibindədir".

NATO-nin keçmiş baş katibi və çirkli pullar

Və nəhayət, Rasmussenin şəxsiyyəti haqqında bir neçə kəlmə yazmaq istərdik. Bu ilin mart ayının əvvəlində, demək olar ki, Rusiya Baş Prokurorluğu bu yaxınlarda eyni Anders Foq Rasmussenin adının çəkildiyi müəyyən bir cinayət "qara pulun Latviya tranziti"nin üstünü açıb. Məhz arbitrajda iştirak edən Rusiya Federasiyasının Baş Prokurorluğu 15 milyon avro dəyərində aktivlərin xaricə köçürülməsinin qarşısını alıb. Müflis Latviya PNB Bankasının inzibatçısı onları alacağını gözləyirdi. Maliyyə strukturunun son benefisiarı əvvəllər iş adamı Qriqori Quselnikov, bankın idarə heyətinin sədr müavini isə NATO-nun keçmiş baş katibi Anders Foq Rasmussen olub.

Məsələnin siyasi tərəfi odur ki, Rasmussen NATO infrastrukturunun Ermənistana gətirilməsinə cavabdeh olacaq. KTMT üzvü olan Ermənistanın bu hərəkəti çox güman ki qiymətini alacaq. Kreml müttəfiqinə bu xəyanətini bağışlamayacaq. Ermənistan artıq Rusiyadan uzaqlaşma kursunu gücləndirib. Bunu İrəvanın KTMT-də işləməkdən imtina silsiləsi sübut edir: birincisi, Paşinyan KTMT-nin İrəvan sammitinin sənədlərini imzalamır, sonra respublika təşkilatın öz ərazisindəki təlimlərini ləğv edir, ardınca baş katibin müavini vəzifəsindən imtina edir.

Azər Nuriyev
Milli.Az