Amerika

Tramp Tehranla bağlı xəbərləri təkzib etdi

2 İyun 2026 23:19
Baxış: 214
VTB-də minimal faiz dərəcəsi ilə nağd kredit 9.9%-dən
#DONALD TRAMP

ABŞ Prezidenti Donald Tramp Vaşinqtonla Tehran arasında aparılan danışıqların dayandırılması barədə mətbuatda yer alan məlumatları təkzib edib.

Milli.Az xəbər verir ki, Ağ Ev rəhbəri bu barədə özünə məxsus "Truth Social" sosial şəbəkə hesabında paylaşım edib.

Mətbuatda tirajlanan xəbərləri kəskin tənqid edən Tramp bildirib ki, yayılan məlumatlar həqiqəti əks etdirmir:

"İran İslam Respublikası ilə ABŞ-nin bir neçə gün əvvəl danışıqları dayandırması barədə saxta xəbərlər tamamilə səhv və etibarsızdır".

Qeyd edək ki, iyunun 1-də İranın "Tasnim" agentliyi rəsmi Tehranın İsrail Livan ərazisindən ordusunu çıxarmayana və hərbi əməliyyatları tam dayandırmayana qədər ABŞ ilə dialoqu dondurduğunu idarə etmişdi. Məlumatda həmçinin Tehranın Vaşinqtonla vasitəçilər üzərindən həyata keçirdiyi mətn mübadiləsini dayandırdığı vurğulanırdı.

Bununla yanaşı, "The New York Times" qəzeti mayın 31-də dərc etdiyi məqalədə ABŞ liderinin İrana qarşı potensial sazişin şərtlərini sərtləşdirdiyini və xüsusilə İslam Respublikasının dondurulmuş aktivlərinin sərbəst buraxılması ilə bağlı bəndlərə yenidən baxdığını yazmışdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.