Amerika

Həmin qadınların edam hökmü ləğv edildi

22 Aprel 2026 22:24
Baxış: 1 048
VTB-də minimal faiz dərəcəsi ilə nağd kredit 9.9%-dən
#DONALD TRAMP

ABŞ Prezidenti Donald Tramp İranda barəsində edam hökmü verilən səkkiz qadın etirazçı ilə bağlı qərarın dəyişdirildiyini açıqlayıb.

Milli.Az xəbər verir ki, Tramp bildirib ki, əvvəlcə həmin qadınların edam ediləcəyi gözlənilsə də, son anda bu qərar ləğv olunub.

Onun sözlərinə görə, etirazçılardan dördü dərhal azadlığa buraxılacaq, digər dörd nəfərə isə bir ay müddətinə həbs cəzası veriləcək.

ABŞ prezidenti paylaşımında İran rəhbərliyinə müraciətinin nəzərə alındığını vurğulayaraq, edam qərarının dayandırılmasını yüksək qiymətləndirdiyini qeyd edib.

Qeyd edək ki, dünən Donald Tramp ölüm cəzasına məhkum edilmiş 8 iranlı qadının azad olunması üçün rəsmi Tehrana müraciət edib.

İran tərəfi isə həmin qadınların edam cəzasına məhkum edilməsi ilə bağlı iddianı təkzib etmişdi.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.