Hadisə

Valideynlərin parkinq üstündə davası qanla bitdi

22 Aprel 2026 22:39

Baxış: 2 484

VTB-də minimal faiz dərəcəsi ilə nağd kredit 9.9%-dən

#HADİSƏ

Bakı şəhərinin Nərimanov rayonunda bıçaqlanma hadisəsi baş verib.

Milli.Az xəbər verir ki, hadisə Böyükşor qəsəbəsi ərazisində yerləşən 73 saylı orta məktəbin qarşısında qeydə alınıb.

Məlumata görə, məktəbə uşaqlarını gətirən iki valideyn arasında avtomobil saxlamaq üstündə mübahisə yaranıb. Mübahisə qısa müddətdə böyüyərək davaya çevrilib və tərəflərdən biri üzərində olan bıçaqla digərinə xəsarət yetirib.

"Valideynlərdən biri maşını məktəbin qarşısında saxlamışdı. Digər valideyn deyib ki, maşını götür, camaat rahat girib-çıxsın. Bundan sonra aralarında mübahisə yaranıb", - deyə hadisə şahidi bildirib.

Əraziyə polis əməkdaşları cəlb olunub, əməli törədən şəxs saxlanılıb. Faktla bağlı araşdırmalar davam etdirilir. (bakutv)

Milli.Az