ABŞ-li meteoroloq Cennifer MakDermed donmuş spagetti ilə bağlı paylaşımı ilə sosial şəbəkələrdə viral olub.
Milli.Az xəbər verir ki, Minneapolisdən olan MakDermedin "X" platformasında paylaşdığı video artıq 9,6 milyon baxış toplayıb. O, Minneapolisdə temperatur -29,4°C-yə düşərkən hiss edilən temperaturun -42°C olduğunu və buna görə spagetti ilə eksperiment etdiyini bildirib.
Oxşar fəndi Miçiqan sakini Raçel Vipl də sınayıb və çəngəldə spagettinin 20 dəqiqəyə donduğunu göstərib.
Qeyd edək ki, hazırda ABŞ-ın böyük hissəsində soyuq hava hökm sürür. "Fern" fırtınasının gətirdiyi soyuq hava 140 milyondan çox insanı təhlükə altında qoyub, ən azı 22 ştatda fövqəladə vəziyyət elan edilib.
Asya
Milli.Az





