Amerika

Trampdan Avropa liderlərinə tələb: Rusiyadan neft almayın

5 Sentyabr 2025 07:35
Baxış: 1 739
VTB-də minimal faiz dərəcəsi ilə nağd kredit 9.9%-dən
#RUSİYA #NEFT #DONALD TRAMP

ABŞ Prezidenti Donald Tramp, Avropa liderlərinə Rusiyadan neft almamaları və iqtisadi təzyiq göstərmələri barədə çağırış edib. Ağ Evdən verilən açıqlamada, Avropanın Rusiyadan aldığı neftin müharibəni maliyyələşdirdiyi və bu vəziyyətin müharibənin bitməsi istiqamətindəki səylərə mane olduğu bildirilib.

Fransa Prezidenti Emmanuel Makron və digər Avropa liderlərinin dəvəti ilə Ukrayna müharibəsi üçün təşkil edilən "Gönüllülər Koalisiyası" toplantısına Ağ Evdəki ofisindən qoşulan Tramp, Rusiyanın son bir il ərzində Avropa İttifaqına yanacaq satışından 1,1 milyard avro qazandığını xatırladıb.

Tramp Avropanın, Rusiyanın müharibə səylərini maliyyələşdirən neft alışını dərhal dayandırmalı olduğunu bildirib. O, həmçinin Avropa liderlərini Rusiyaya dəstək verdiyi üçün Çinə qarşı da iqtisadi təzyiq göstərməyə çağırıb.

Ağ Ev rəsmisinə görə, görüş Avropa liderləri arasında Ukrayna-Rusiya müharibəsi ilə bağlı ciddi fikir ayrılıqlarını da üzə çıxarıb. Yetkili, Avropa ölkələrinin fərqli mövqelərinin sülh səylərini zəiflətdiyini vurğulayıb.

Rəsmilər, ABŞ-nin okeanın o tayında baş verən müharibəyə sürüklənmək istəmədiyini bildirərək, Trampın son açıqlamalarını da xatırladıb. O, bu müharibədən yalnız sabiq prezident Co Baydenin deyil, həm də Ukrayna lideri Vladimir Zelenski və Rusiya prezidenti Vladimir Putinin məsuliyyət daşıdığını qeyd edib.

Ağ Ev rəsmisi əlavə edib ki, Tramp Avropa liderləri və Zelenski ilə telefon danışıqlarından sonra, Rusiyaya dair yaxın zamanda yeni açıqlama verəcək.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.