PUL
Türkiyədə Fətullahçı terror təşkilatının (FETÖ) uğursuz dövlət çevrilişi cəhdi ilə bağlı səfirlər səviyyəsində vəzifəsindən kənarlaşdırılanlar olacaq.
Milli.Az report-a istinadən bildirir ki, bunu Türkiyənin xarici işlər naziri Mövlud Çavuşoğlu deyib.
Onun sözlərinə görə, FETÖ üzvlərinin Türkiyə XİN-ə sızmasını kadrlar şöbəsində təmsil olunan şəxslər təşkil ediblər:
"Türkiyə XİN-ə işə qəbul zamanı klassik formada imtahan keçirilir. Yəni imtahanda türk dilindən ingilis dilinə və əksinə tərcümə olur. Ancaq suallar və cavablar imtahandan əvvəl iştirakçılara paylanıb. Nəticədə nazirlikdəki mühüm postlara bu şəxslər yerləşdirilib. Hətta onlardan 34 nəfərini Nazirlər Kabinetinə də göndərmişik. Halbuki Türkiyə XİN dövlətin sirlərinin olduğu qurumdur. Çünki mühüm danışıqlar nazirliyimiz vasitəsilə həyata keçirilir. Ona görə də həmin xainlərin nazirliyə sızmasının qarşısı alınmaslıdır. Bu səbəbdən vəzifəsindən kənarlaşdırılanlar olacaq".
Nazir deyib ki, Türkiyə XİN-də xarici dil bilənlərin sayı azdır: "Bunları nəzərdən keçiririk. Baş katiblik imtahanına 95 nəfər girib, 90 nəfər keçib. Halbuki normal şərtlərdə 1-2 nəfər keçər, 10 faiz heç vaxt keçməz".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
