"Araz Naxçıvan"ın sabiq baş məşqçisi Əsgər Abdullayevin işsiz günləri qısa çəkə bilər.
Milli.Az xəbər verir ki, bu barədə apasport.az saytına açıqlamasında təcrübəli mütəxəssisin özü məlumat verib.
O bildirib ki, yeni ildən 21 yaşadək futbolçulardan ibarət yığmanı çalışdırmağa yaxındır: "Məşqçilər Komitəsinin üzvləri mənimlə əlaqə saxlamışdılar. Mənə verdikləri "U-21-in baş məşqçisi işləyərsən?" sualını müsbət cavablandırdım. Amma təbii ki, bu məsələdə son sözü AFFA rəhbərliyi deyəcək".
Qeyd edək ki, Əsgər Abdullayev 2000-2002-ci illərdə U-21 yığmamızı çalışdırıb.
Milli.Az