Xanoğlan Şıxəliyev - Yolun duşsə bu dünyaya bir də gəl

Tarixi insanlar yazır deyirlər. Lakin hər yazılan tarix gələcək nəsillərə, köklərə də qalmır. Çünki o tarix  elə yazılmalıdır ki, bəşər övladı ondan öyrənsin, anlasın və anlatsın. Azərbhaycanımızın da tarixinə bir çox şəxsiyyətlər öz imzalarını ataraq, onu qızıl hərflərlə həkk ediblər. Belə şəxsiyyətlərdən biri də bu gün təəssüf ki, həyatda olmayan gözəl insan, öz vətənsevərliyi və azərbaycançılığı ilə hər kəsə örnək olmuş ziyalı - uzun illər prokurorluq orqanlarında alın təri ilə çalışmış Xanoğlan Rza oğlu Şıxəliyevdir. Ümumiyyətlə, bu şəxsiyyət barədə fikir bildirərkən  ağıla gələn ilk amil budur ki, nə yaxşı o, öz dövründə yaşayaraq, zamanının insanlarına bir kişilk, qeyrət, ləyaqət, şərəf və mənəviyyat məktəbi keçib. Məhz o məktəbi keçənlər bu gün öz həyat kredolarını bu istiqamətdə quraraq, yaşayır, yaradır, dövlətinə, Vətəninə xidmət edirlər.

Qısa arayış təqdim edək: Xanoğlan Şıxəliyev 1957-ci ildə sentyabr ayinin 29-da dünyaya göz açib. Belə bir çətin dövrandan alnıaçıq və başuca çıxan Şıxəliyevlər nəslinin övladı Xanoğlan müəllin yalnız həyat eşqi yaşayaraq, həmi özünün, həm də ailəsinin qeydinə qalmaq üçün yorulmadan çalışıb, işləyib və necə deyərlər, özünü oda-közə vurub. Belə bir qətiyyət, belə bir məqsədlərlə həyatın ağuşuna gənc yaşlarından atılan Xanoğlan Şıxəliyevin bu mübarizliyi onun gələcək illəri üçün bir rolunu faktorunu oynadı. O, daha da bərkidi, daha da mətinləşdi, daha da iradəli və qətiyyətli obrazda tanındı - dostları, qohumları, tanışları arasında...

Xanoğlan müəllimin seçdiyi peşəsi də asan deyildi - prokurorluq sahəsi. Ötən əsrin 70-ci illərindən başlayaraq, ta 30 iyun 2015-ci ilə qədər Xanoğlan Şıxəliyev çətin vəzifə olan bu orqanlarda fəaliyyət göstərib. Yeri gəlmişkən, Azərbaycanın prokurorluq sistemi artıq 100-cü ildönümünü qeyd edir və bu illər içində Xanoğlan müəllimin də az, ya da çox payı vardır. Əbəs deyil ki, hazırkı məöqamda da onun barəsində danışılan hər bir söz, hər bir ifadə insanlarda qürur hissi oyadır. Bəli, onun haqqında danışılanlar bir epopeyadır, real, həqiqətlərə söykənən Xanoğlan epopeyası!

Əbəs deyil ki, bu günün özündə də onun barəsində nəşrlərdə, mətbuat səhifələrində çoxsaylı məqalələr, yazılar mövcuddur. Həmin dərcolunmalarda Xanoğlan Şıxəliyev barəsində daha hansı fərəhdoğurucu ifadələr yer almayıb - "Öz ömrünü dövlətinə və xalqına həsr etmiş prokuror", "Gözəl ata və Vətənsevər övlad" və s...

Bəli, budur bir ali məcəssəmə və yüksək dəyər tandemi və budur əsl azərbaycanlı olmaq gerçəkliyi. Çünki Xanoğlan müəllim istər öz prokuror həmkarları, istərsə də öz doğmaları ilə söhbətləşəndə, fikir mübadilələri aparanda, müzakirələr edəndə hər zaman vicdandan, prokuror adını təmiz saxlamaqdan danışıb. O, hər zaman istəyirdi və arzu edirdi ki, bütün insanlar belə bir yüksək düşüncəyə, həyat dərkinə sahib olsunlar. Axı o, həm də bir mərdlik, alicənablıq və ziyalılıq etalonu idi onu tanıyanlar üçün... 

Mərdlik demişkən, Xanoğlan Şıxəliyev ölkəmizin yenicə müstəqillik qazandığı vaxtlarda, eyni zamanda, bu müstəqilliyin itirilmə təhlükəsi yaşanan zamanlarda öz vəzifəsini layiqincə təmsil edib. Hələ o dövrlərdə istər ictimai-siyasi, istərsə də kriminogen baxımından elə də sabit olmayan Şəki rayonunda çalışmış Xanoğlan Şıxəliyev qanunun aliliyinin təminatçısı kimi dəfələrlə sinə gərib. Hətta elə olub ki, azğınlaşmış şəxslər onun yaşadığı evə hücümlar çəkib, üzərinə silah qaldıraraq, həyatını təhlükəyə atıblar. Lakin dövlət və xalq maraqlarını daim üstün tutan Xanoğlan müəllim, həm də prokuror olaraq heç nədən qorxmayaraq, azğın kriminogen qüvvələrə qarşı mübarizəsini daha barışmaz şəkildə aparıb. Təbii ki, bu, onun timsalında babalarından gələrək, onun qanında axan cəsarət geninin yaşaması, hətta yaşadılması demək idi.

Nə xəstəliklər, nə də yorğunluqlar onu öz yolundan döndərə bilmədi. Hətta kəskin diabet diaqnozu qoyulmasına baxmayaraq, Xanoğlan Şıxəliyev çalışdı...çalışdı...və yenə də çalışdı...

Belə bir vəziyyətdə öz fəaliyyətini Bərdədə də davam etdirən Xanoğlan müəllin, hər yerdə - kənddə, kəsəkdə, ən ucqar bölgələrdə sadə insanların arasında oldu, onların sonsuz rəğbətini, sevgisini, hörmətini qazandı. O, bir əsgər idi - Vətəni uğrunda canından, qanından keçən bir Azərbaycan əsgəri. Çiynində daşıdığı prokurorluq orqanları paqonunun üzərindəki aypara və ulduzlar ona üzərində nə qədər nəhəng məsuliyyətin olduğunu hər an xatırladırdı. Əbəs deyil ki, o dəfələrlə cəbhə bölgələrinə gedərək, düşmənlə üz-üzə dayanmış, təmsil olunduğu müdafiə şurasının vəzifələrini də öz işinə əlavə etmişdi. Üstəlik, döyüş bölgələrində çarəsiz qalan qadınlara, uşaqlara, qocalara qucaq açaraq, onları öz doğma ailə üzvləri kimi evində saxlamışdı. Bu, qeyrət mücəssəməsinin ifadəolunmayacaq dərəcədə ali nümunəsi idi əslində. Onun Bərdədəki xidməti barədə bir qeyd nəzərimi cəlb etdi. SİTAT: "95 min məcburi köçkünün məskunlaşdığı bir şəraitdə, Bərdə rayonunun hüquq mühafizə orqanları tərəfindən görülən tədbirlər nəticəsində, xüsusilə, prokuror Xanoğlan Şıxəliyevin səylərinə görə həmin bölgədə ciddi narahatçılıqlara yol verilmirdi..."

Sonraki illərdə prokurorluq fəaliyyətini ölkəmizin cənubunda - Cəlilabadda həyata keçirən Xanoğlan Şıxəliyev orada da yaşayan əhali arasında xüsusi hörmətə və izzətə sahib olub. Maraqlısı da budur ki, o çalışdığı hər yerdə çətin sınaqlarla, imtahanlarla üz-üzə, qarşı-qarşıya qalıb. Daha bir xatırlatmaya nəzər salaq: "Onun rayon prokuroru işlədiyi vaxt məlumat daxil olur ki, bir nəfər şəxs əlində qumbara özünü və ailəsini məhv etməyə cəhd göstərir. Təxirə salmadan hadisə yerinə yollanan Xanoğlan müəllim qəhrəmanlıq göstərərək, bu hadisənin qarşısını alır. Ümumiyyətlə, bəlkə də onlarla bənzər hadisələri yaşayan bu böyük insan sonralar vəzifə borcunu ləyaqətlə yerinə yetirdiyinə görə dövlətimiz tərəfindən mükafatlara layiq görülüb". 

Bax, belə mərd kişi idi Xanoğlan müəllim. Onun sadəcə, bir illik (!) fəaliyyət statistikası da çox maraqlıdır - Xanoğlan Şıxəliyev bir illik fəaliyyətində 45 cinayət işinin istintaqını tamamlayaraq məhkəməyə göndərib, 16 qəsdən adam öldürmə hadisəsindən isə 15-nin üstünü açıb. Bu bir illik fəaliyyətində maksimum nəticə göstərən prokuror Xanoğlan Şıxəliyevə baş ədliyyə müşaviri rütbəsi verilib. Bərdədə çalışdığı dönəmdə, Murovda göstərdiyi xidmətə görə "İgidlik ordeni "ilə təltif edilib".

Bu, sadəcə, bir ilin statistikasıdır. İndi görün, onun illərlə çalışdığı bu sahədə neçə-neçə uğurları olub.

Xanoğlan Şıxəliyev Azərbaycan xalqının Ümummilli Lideri, Ulu Öndər Heydər Əliyev ideologiyasını ən yüksək şəkildə dəyərləndirən Vətən oğullarımızdan biridir. Onun, Ulu Öndərimiz Heydər Əliyevlə bağlı 2 kitabı - "Heydər Əliyev çörəyi" və "Heydər Əliyev okulu" adlı kitabları işıq üzü görüb. Həm də tükənməz yaradıcılıq potensialına malik olan Xanoğlan müəllim kitab və məqalələrinə görə "Qızıl Qələm" mükafatına layiq görülüb.

Ümumiyyətlə, 56 illik ömrü ilə ideal insan ola bilmək düsturunu yazmış Xanoğlan müəllim canlı məktəb idi və bu gün həmin məktəb yaşayır, yaşadılır.

Yeri gəlmişkən, sentyabrın 29-da isə Xanoğlan Şıxəliyevin anadan olmasının 61-ci ildönümüdür.  Ötən il isə onun 60-cı ildönümü ilə bağlı yubileyi keçirilmişdi.

Bu gün onun övladları barəsində ən gözəl xatirələrini bölüşürlər.  Bu gün Xanoğlan müəllimin qız övladı, Azərbaycanın tanınmış təhsil işçisi, Yeni Azərbaycan Partiyası (YAP) Xətai rayon təşkilatının Gənclər Birliyinin və Qadınlar Şurasının sədr müavini, 2 saylı Həbib bəy Mahmudbəyov adına Texniki-Humanitar liseyinin direktor müavini Nuranə axanım Şıxəliyeva atası haqqında öz fikirlərini bölüşüb. SİTAT: "O, dünyaya övlad kimi gəldi, amma əslində o, artıq bir neçə insane oldu. Gözəl atam, həm oğlul oldun, həm qardaş, həm əmi oldun, həm fəxarətli dayı - qohum, əqraba, hər kəsə əl uzadıb can yandırdın, problemlərinə şərik, dərdlərinə qızıl açar oldun. Sədaqətli dost oldun, bir sevgili, bir ər oldun, Vətənini qoruyan bir əsgər oldun, dövlətinə xidmət edən cəsarətli, layiqli bir vətəndaş oldun, ən əsası isə misli, tayı-bərabər olmayan bir ATA, ailə başçısı və bir də BABA oldun!

Bu qədər insanı daxilində saxlayan bir varlıq, bu qədər missiyaların hamısını, hünərlə, layiqincə yerinə yetirə bildin. Tərəziyə qoyulan əməllərin içndə yaxşılıqlar daha ağır gəldi. Mən, bu qədər şəxsiyyəti içində daşıyan və ən əsası, ATA missiyasını layiqincə yerinə yetirən ATAM haqqında yazıram..."

Bəli, bu Nuranə xanımın atası Xanoğlan müəllim barədə dediyi füsunkar, sonsuz sevgi və hicranlı sözləridir. Ürək dağlayır bu sözlər, amma eyni zamanda qürur doğurur. Qürur doğurur ki, belə bir ATANIN belə də bir ÖVLADI var. Elə atalarımız demişkən, ot öz kökü üzərində bitər. Çünki bu gün Xanoğlan Şıxəliyev həyatını onun qız övladı -  dövlətinə, vətəninə  sədaqəti ilə seçilən Nuranə xanım davam etdirir. Zamanında ona verilmiş ATA nəsihəti, ATA dərsi və ATA örnəyi ilə...

Milli.Az