Kriminal

Bağ evində qumar oyunları keçirən qadına bu cəza verildi

3 Aprel 2025 13:18
Baxış: 1 642
VTB-də minimal faiz dərəcəsi ilə nağd kredit 9.9%-dən
#MƏHKƏMƏ #QUMAR

Bakı Apellyasiya Məhkəməsində qumar oyunlarının təşkili və ya keçirilməsində təqsirləndirilən Vahid Qədimov və onun tanışı Səbinə Kərimovanın (hər ikisinin ad, soyadı şərtidir) barəsindəki hökmdən Baş Prokurorunun müavini tərəfindən verilən apellyasiya protesti və apellyasiya şikayətinə baxılıb.

Pravda.az-ın əldə etdiyi məlumata görə, hakim Zamin İbrahimovun sədrliyi ilə keçirilən prosesdə qərar elan olunub.

Qərara əsasən, Vahid Qədimovun apellyasiya şikayəti təmin edilməyib, Səbinə Kərimovanın apellyasiya şikayəti qismən, apellyasiya protesti isə tam təmin olunub, Sabunçu Rayon Məhkəməsinin 28 noyabr 2024-cü il tarixli hökmü dəyişdirlilib. Həmin hökmlə Səbinə Kərimovaya təyin edilmiş 2 il müddətinə azadlığın məhdudlaşdırılması (elektron qolbaq) cəzası 10 000 manat cərimə cəzası ilə əvəz edilib.

İttihama görə, Vahid Qədimov və onun tanışı Səbinə Kərimova qadına məxsus Sabunçu rayonu ərazisində yerləşən bağ evində qumar oyunları təşkil edərək keçiriblər.

Belə ki, 18 may 2024-cü il tarixdə istintaqla müəyyən edilməyən saatda həmin evə qumar oyunu oynamaq üçün Vahid 5 dostunu dəvət edib. Oyun zamanı həmin şəxslərə qida və içki məhsulları təqdim olunub.

Bu barədə daxil olmuş məlumat əsasında Daxili İşlər Nazirliyinin Kibercinayətkarlıqla Mübarizə Baş İdarəsinin əməkdaşları tərəfindən həmin gün saat 22:50-də həyata keçirilən əməliyyat-axtarış tədbiri nəticəsində həmin ünvanda baxış və götürmə aparılıb. Onların qumar oyunu oynamaları müəyyən edilərək otaqda masanın üzərindən kart dəsti və pul vəsaitləri aşkar edilərək götürülüb.
Sabunçu Rayon Məhkəməsinin hökmü ilə Vahid Qədimov və Səbinə Kərimovanın hər birinə 2 il müddətinə azadlığın məhdudlaşdırılması cəzası təyin olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.