Mobil telefon

iPhone-da gözlənilən yenilik

18 Mart 2017 08:21
0 Şərh     Baxış: 879

İndi "iOS" qurğu istifadəçiləri internetə qoşulma olmadan veb səhifələrə baxa bilərlər. Bu haqda "Google Chrome" mobil brauzerinin yaradıcıları məlumat veriblər.

Milli.Az ICTnews-a istinadən bildirir ki, bir çox internet istifadəçiləri xəbər və ya məqalələri yadda saxlayaraq sonra oxumaq üçün "Instapaper" və ya "Pocket" kimi xidmətlərdən istifadə edirlər. "Chrome" brauzerinin "iPhone" və "iPad" üçün yeni versiyası sonra oxuma funksiyası ilə təchiz edilib. Hələ ötən həftə veb səhifələri sonra oxumaq imkanının əlçatan olması haqda şayiələr yayılmışdı, indi "Google" şirkəti "Read Later" funksiyasını rəsmən təqdim edib.
İndi "iOS" genişlənmələrinin siyahısında "Sonra oxumaq"  adlı yeni ikonka mövcuddur. Veb səhifəni sonra oxumaq üçün menyunu (ünvan sətrinin sağ hissəsində üç nöqtədən ibarət düymə) açmaq, "Paylaşmaq" sətrinə sıxmaq və açılan menyuda "Sonra oxumaq" nişanına sıxmaq lazımdır.

Nəticədə internetə qoşulma olmadan sayt və səhifələri yadda saxlayaraq onlara sonra baxmaq olar.
Oxşar funksiya "Safari" brauzerində də mövcuddur. Ancaq "Google Chrome" brauzerindəki "Read Later" funksiyası səhifənin sadələşdirilmiş mətn versiyasını deyil, onu tamamilə yadda saxlamağa imkan verir.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.