PUL
Milli.Az sarımsaqlı bulkaların hazırlanma qaydasını təqdim edir
Tərkibi:
400 q un
1 ç.q. quru maya
1 ç.q. şəkər tozu
3 diş sarımsaq
250 ml süd
0,5 ç.q. duz
50 q kərə yağı
2 x.q. bitki yağı
1 dəstə göyərti
1 yumurtanın sarısı
Unu ələyib maya, duz, şəkər tozu, bitki yağı və süd qataraq xəmir yoğurun. Üzərinə dəsmal çəkib isti yerdə yarım saat saxlayın.
Göyərtini doğrayın. Sarımsağı əzin. Yumşaldılmış yağ, göyərti və sarımsağı qarışdırın.
Xəmiri ətləyib kolbasa formasına salın. Sonra balaca kündələrə bölüb yayın. Hər yaydığınız kündənin ortasına iç qoyub dairəni 4 bükün (bir tərəfini o birinin üzərinə qatlayın, alınan "aypara"nı da ikiyə qatlayın). Üçbucaq formada olan bir neçə belə bulkanı bir keks (maffin) qabına qoyun. Üzərinə yumurta sarısı çəkin.
Xəmirin hamısını bu qaydada hazırladıqdan sonra 180 dərəcə qızdırılmış sobada 20-25 dəqiqə bişirin.
Nuş olsun!
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
