Kulinariya

Mətbəx sirləri: Azərbaycan nanı

10 Mart 2014 07:00

13 Şərh Baxış: 8 970

VTB-də minimal faiz dərəcəsi ilə nağd kredit 9.9%-dən

#AZERBAİJAN #KULİNARİYA

Milli.Az Azərbaycan nanının hazırlanma qaydasını təqdim edir

Tərkibi:

300 q un
150 q kərə yağı
100 q şəkər pudrası
80 q üzüm
50 q sukat (meyvə qurusu)
3 yumurta
50 q fındıq
1 st. şəkər tozu
1 x.q. patoka
0,1 q zəfəran
1 ç.q. soda

Yumurtaların ağını sarısından ayırın. Yumurta ağlarını soyudun.

Qazanda kərə yağını çalın, şəkər pudrasını əlavə edib eynicinsli kütlə alınanadək çalın.

Ayrı bir qabda soyudulmuş yumurta ağlarını möhkəm çalın.

Fındığı təmizləyib əzin.

Bir qabda şəkər pudrası ilə qarışdırdığınız yağı, çalınmış yumurta ağlarını, yumurta sarılarını, zəfəranı, kişmişi, xırda doğranmış sukatları, əzilmiş fındığı və sodanı yaxşıca qarışdırın. Sonra az-az un əlavə edərək yenə qarışdırın.

Qlazur: bir qabda şəkər tozunun üstünə azca su töküb əridin, ocağın üstünə qoyun, qaynara düşəndə patokanı əlavə edin. Vam odda təxminən 10 dəqiqə qaynadın, sonra ocaqdan götürüb bir qədər soyudun, çəhrayı qida boyası vurub çalın.

Hazır xəmiri 30-35 mm diametrli batonlar halına salıb perqament döşənmiş siniyə qoyun. 180-200 dərəcə qızdırılmış sobada 20-25 dəqiqə bişirin. Üzərinə qlazur çəkin.

Nuş olsun!

Resept və foto: "Azərbaycan mətbəxinin şirin təamları", K.Bünyadov və N.Maleyev.

Milli.Az

Milli.Az - Xəbər Portalı

Mətbəx sirləri: Azərbaycan nanı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?