Kulinariya

Mətbəx sirləri: Ballıca

15 Fevral 2014 07:00
35 Şərh     Baxış: 8 216
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#KULİNARİYA
Milli.Az qəhvəaltı üçün dadlı kökələrin hazırlanma qaydasını təqdim edir

Tərkibi:

xəmir:

210 q un
1 yumurta
50 q şəkər pudrası
100 q yağ
1 çimdik duz (pudra kimi)
1/4 ç.q. qabartma tozu

iç:

200 q kəsmik
40 q şəkər tozu
30 q un
20 q xama
1/2 yumurta sarısı (o biri yarısını dərhal 1 x.q. ilıq su ilə qarışdırın ki, qurumasın, kökənin üstünə vurmaq üçün)
vanil (istəyə görə)

İçi əvvəlcədən hazırlayın, bu, şəkər tozunun yaxşı əriməsi üçün lazımdır (yaxud da şəkər pudrası istifadə edin): bütün ərzaqları mikserlə yaxşıca qarışdırın.

Xəmir: ləyənə yumşaldılmış yağ, yumurta, duz, şəkər pudrası qoyub çalın. Şəkər tam əriyəndən sonra un və qabartma tozu əlavə edin.

Kündə tutun, 6 yerə bölün (hərəsi 70 q). Hər birini un səpilmiş masanın üstündə ellips formasında yayın. Hərəsinin içinə bir qıraqdan 45 q iç qoyun. Xəmirin qalan hissəsini üzərinə qatlayın (için az bir hissəsi görünsün).

Perqament döşənmiş formaya düzün. Su ilə qarışdırılmış yumurta sarısını üzərlərinə çəkin.

200 dərəcə qızdırılmış sobada 25 dəqiqə bişirin.

Nuş olsun!

Resept və foto: vk.com/feed

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.