Çöpçülük və bu işin peşəkarları... Yəqin ki, hər biriniz həm el arasında ixtisaslaşan bu peşə, həm də bu peşənin peşəkarlarından xəbərdarsınız. "Uşağımın dərdinə əlacı çöpçü tapdı" kimi fikirləri söyləyən valideynlərə də az rast gəlmirik. Bəs əslində necədir - balacalarda yad cism hissiyatı yaranarkən ilk müraciət ünvanı çöpçü, yoxsa mütəxəssis-həkim olmalıdır?!
Milli.Az Kəpəz TV-yə istinadən xəbər verir ki, çöp çıxarma fəaliyyəti ilə məşğul olan insanları, yəqin ki, hamımız tanıyırıq və çox güman ki, ömründə bir dəfə də olsa hər bir uşağın burnu onların nəfəsindən keçib. Çox maraqlıdır, görəsən, səhiyyənin inkişaf etdiyi bir dövrdə çöpçünün bacardığı işi görmək o qədərmi çətindir?! Əslində sualın cavabını bu işlə məşğul olanların özlərindən öyrənməyə cəhd göstərsək də, heç bir çöpçü özündə cəsarət tapıb kamera önünə keçmək istəmədi.
İsti havada uşaqlar daha da aktivləşir. Bu aktivlik isə balacalara bəzən baha başa gəlir. Uşaq hərəkətli olduqda müəyyən cisimlər onların burun udlağı və qırtlaq udlağında ilişib qalır və nəticədə valideynlər çöpçülərə müraciət etməli olurlar. Əslində isə mütəxəssislər bu zaman çöpçülərə müraciəti yolverilməz hesab edir. Amma bu hal nə qədər yolverilməz hesab edilsə də, həkim məsləhətinə qulaq asan valideynlərlə yanaşı, qadağalara məhəl qoymayaraq pənahı çöpçüdə axtaranlar da az deyil.
Valideyn: "Bir də görürük ki, qızdırması var aparırıq çöpçüyə. Həm inanıram, həm də inanmıram. Amma çöpçüdən gələndən sonra uşaq özünü yaxşı hiss edir".
Valideyn: "Heç aparmamışam. Ehtiyac olmayıb. Boğazlarında bir şey qalsa belə, gözləyirəm ki, özü çıxsın".
Valideyn: "Görürəm bir gün, iki gün iştahası pozulub, qonşuda çöpçü var, aparıram onun yanına. Burnundan üfürür çıxır. Sonra uşaq yaxşılaşır".
Valideyn: "Mən heç çöpçü tanımıram. Nəvələrimi də heç vaxt aparmamışam. Hamısı da sağlamdırlar".
Valideyn: "Bu çöpçülər uşaqlara çox kömək edirlər. Çöpü qalanda aparırıq yanlarına, ondan sonra qızdırması düşür və uşaq yaxşılaşır".
Valideyn: "İnamımız yoxdur. Biz daha çox həkimə müraciət edirik. Tibbdə elə bir şey yoxdur".
Keçirilən sorğudan da görünür ki, fikirlər fərqli, düşüncələr müxtəlifdir. Amma əsas olan mütəxəssis rəyidir. Necə deyərlər, hər işin öz peşəkarı...
Leyla Hüseynova, Gəncə şəhəri 1 saylı Uşaq Xəstəxanasının loru: "Üfürməklə yad cismi çıxarmağa çalışırlar. Bu isə əksinə böyük fəsadlara gətirib çıxara bilər. Həmin cismlər tənəffüs yollarının daha aşağı hissələrinə düşə bilərlər. Bu da boğulmaya, nəfəs çatışmazlığına gətirib çıxara bilər. İnsanın ağız boşluğu müxtəlif mikroblarla zəngindir. Bəlkə, üfürən adam xəstədir, nəfəs yolu ilə uşaq yoluxa bilər".
Əvvəldə də qeyd etdiyimiz kimi müraciət etdiyimiz çöpçülər işi ilə bağlı müsahibə verməkdən yayındılar. Məqsədimiz asan yolla pul qazananların bazarına bais olmaq deyildi. Sadəcə, etdikləri işi əyani şəkildə göstərmələri lazım idi ki, tamaşaçılar da bundan bir nəticə çıxarsın. Hər halda arifə bir işarə də kifayətdir. Nəticə çıxarmaq üçün isə bir yox bir neçə nişanə verdik... İndi son qərar valideynlərindir, çöpçü yoxsa, həkim?!
Milli.Az
DİGƏR XƏBƏRLƏR
- Çox bişmiş yumurta təhlükəlidir - XƏBƏRDARLIQ
- Bədəndən xolesterolu dərmansız çıxarmağın ƏN ASAN YOLU
- Oturaq həyat tərzinin daha bir ZƏRƏRİ
- “Ölkənin bu ərazilərində xəstəliklərin artması müşahidə olunur” – HƏKİM SƏBƏBİ AÇIQLADI
- Məşqdən əvvəl bu qidaları yeməyin inanılmaz faydası
- Səhərlər meyvə şirəsi içmək hansı orqanı məhv edir?
XƏBƏR LENTİ
- İsraillə dialoq dalana dirənib - HƏMAS
- Bakıda daha bir bina sökülür - VİDEO
- Gürcüstanda uşaqları diləndirən şəbəkə ifşa edildi
- Günün qoroskopu: köhnə baxış və emosiyalardan qurtulun
- Bakıda taksi qiymətləri niyə bahalaşıb?
- Dişlərimizi ora-bura qıcayırıq, amma Kiyevə yardım edirik
- Günəşdə 25 ilin ən güclü partlayışı baş verib
- “Neftçi”dən böyükhesablı qələbə - VİDEO
- Qalkinin 11 yaşlı oğlu ilə paylaşdığı FOTOları başına bəla oldu
- Muxtar Babayev COMSATS-ın baş qərargahında oldu
- Dəbdən düşən 3 dizayn növü – Mütəxəssislər açıqladı
- Qazaxda Kür çayının daşması fəsadlar yaratdı - FOTOlar
- Dünyanın ən uzun ayaqlı qadını: Həyatının çətinliklərindən DANIŞDI - FOTOlar
- Günay Baxşəliyeva: “Daha gözəl qızlar vardı, amma mən seçildim” - FOTO
- Cennifer Lopez 90-cı illərin dəbini geri qaytarır - FOTO
- Bu məişət əşyasını uzadıcılara qoşmaq olmaz – Çox adam bilmir
- Şəkildə fil, yoxsa zürafə var? - Şəxsiyyət TESTİ
- “WhatsApp” illər sonra yeni dizaynda – Bütün telefonlarda... - FOTO
- Çox bişmiş yumurta təhlükəlidir - XƏBƏRDARLIQ
- DİM bu imtahanların nəticələrini açıqladı
- Bədəndən xolesterolu dərmansız çıxarmağın ƏN ASAN YOLU
- Oturaq həyat tərzinin daha bir ZƏRƏRİ
- Dadlı mürəbbə hazırlamaq üçün nələrə diqqət edilməlidir? – "PÜF NÖQTƏLƏR" AÇIQLANDI
- Tavuşda demarkasiya müdafiəni çökdürəcək – Xaçatryanın yalanı