Sağlamlıq

Parisdə Azərbaycanın da təmsil olunduğu Avropa Parodontologiya Federasiyasının konfransı - FOTO

11 Fevral 2014 10:59

Baxış: 2 387

VTB-də minimal faiz dərəcəsi ilə nağd kredit 9.9%-dən

#AZERBAİJAN

Azərbaycan Parodontologiya Cəmiyyəti tərəfindən verilən məlumata görə, 7-8 fevral 2014-cü il tarixi müddətində Fransanın paytaxtında Azərbaycanın da qatıldığı Avropa Parodontologiya Federasiyasının (AFP-nin) "İmplantlar ətrafında plastik və rekonstruktiv cərrahiyyə" mövzusunda klinisist mütəxəssislər üçün 1-ci Konfransı keçirilmişdir.

Bu konfransda ölkəmizi Azərbaycan Parodontologiya Cəmiyyətinin prezidenti, tibb elmləri üzrə fəlsəfə doktoru, Parodontologiya və İmplantologiya mütəxəssisi kimi AFP-nin rəsmi qeydiyyatında olan tanınmış cərrah-implantoloqumuz Dr. Cavid Əhmədbəyli təmsil etmişdir.

Dr. Cavid Əhmədbəyli konfransın gedişində Fransa, İspaniya, İtaliya, Türkiyə, İsrail, Ukrayna və Rusiyadan olan həmkarları və AFP-nin rəhbər organlarındakı məsul şəxslərlə bir çox görüşlər keçirmiş və növbəti bu kimi tədbirlərin Azərbaycanda təşkil edilməsinin perspektiv imkanlarını müzakirə etmişdir. Bu müzakirələrin nəticəsi olaraq 2015-ci ildə Azərbaycan Parodontologiya Cəmiyyətinin "EstePerio2015" adlı konfransında AFP-nin iştirakı barədə ümumi razılığın əldə edilməsinə nail olunmuşdur.

Böyütmək üçün şəkillərə klikləyin.