Mədəniyyət

Azərbaycanın əməkdar artisti beynəlxalq festivalda böyük uğur qazanıb

13 Sentyabr 2012 14:21
0 Şərh     Baxış: 1 306
VTB-də minimal faiz dərəcəsi ilə nağd kredit 9.9%-dən
AzərTAc xəbər verir ki, bu mötəbər sənət müsabiqəsində Azərbaycanı əməkdar artist Sevda Ələkbərzadə təmsil etmişdir.

Festivalda Azərbaycanla yanaşı, Türkiyə, Argentina, Avstraliya, Bolqarıstan, Yunanıstan, Fransa və digər ölkələri təmsil edən ifaçılar çıxış etmişlər.

Festival çərçivəsində S.Ələkbərzadə 2 min illik tarixi olan qədim mağarada geniş konsert proqramı ilə çıxış etmişdir. Müğənni konsertdə "Şəbi-Hicran", "Sevdalı dünya", "Gül açdı", musiqi albomlarından ən sevilən mahnılarını səsləndirmişdir. Müğənnini konsertdə məşhur Mark Eliyaxın ansamblı müşayiət etmişdir.

Təşkilatçılar ən gözəl konsertlər sırasında Azərbaycanın adını xüsusilə vurğulamışlar.

S.Ələkbərzadənin solo ifasında səslənən muğam kompozisiyası və bəstəkarlarımızın əsərləri tamaşaçılar tərəfindən heyranlıqla qarşılanmışdır.

Müğənni bundan əvvəl də ABŞ, Belarus, Böyük Britaniya, Fransa, İtaliya və digər ölkələrdə keçirilmiş beynəlxalq festivallarda ölkəmizi layiqincə təmsil etmişdir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.