Ölkə

Azərbaycanlıların xaricdəki elmi məqalələrinin sayında böyük fərq yaranıb

27 Yanvar 2017 16:22
0 Şərh     Baxış: 925

Azərbaycanlı alimlərin impakt jurnallardakı məqalələrinin sayı 40 faiz artıb.

Təhsil Nazirliyindən Milli.Az-a verilən məlumata görə, 2016-cı ildə Azərbaycan universitetlərinin dünyanın məşhur "Web of Sceince" bazasındakı impakt faktorlu jurnallarda dərc olunan məqalələrin sayı 350 olub. Bu, 2015-ci ildə dərc olunan məqalələrdən (250 məqalə) 40 faiz çoxdur:

"Bu fərq 2015-ci ilin dekabrında Təhsil Nazirliyi ilə dünyada intellektual informasiya üzrə ən aparıcı platforma olan "Thomson Reuters" agentliyi arasında bağlanan əməkdaşlıq müqaviləsinin nəticəsidir. Əməkdaşlıq nəticəsində ilk dəfə olaraq ölkəmizin 40 ali təhsil müəssisəsi dünyada məşhur elmi istinad indeksi olan "Web of Science" platformasına çıxış əldə etmək imkanı qazanıb. "Thomson Reuters" öz arxivi ilə yanaşı, yeni çap olunan jurnalları,monoqrafiyaları, konfrans materiallarını da  Azərbaycan alimlərinin ixtiyarına verib".

Qeyd edək ki, ötən il dünyanın ən mötəbər impakt faktorlu jurnallarında ölkəmiz üzrə dərc olunan 734 məqalənin demək olar ki, yarısı universitet alimlərinin əqli məhsullarıdır.

Zərif Nisə
Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.