PUL
Beyləqan rayonunun Qaralılar kənd sakini Fazil Əhmədov şəxsi muzeyində 400-dən artıq eksponatı qoruyub saxlayır.
Milli.Az El TV-yə (Region TV) istinadən xəbər verir ki, əvvəllər tarix müəllimi kimi çalışan Fazil Əhmədovun şəxsi muzeyində müxtəlif məişət əşyalarını görmək mümkündür. Peşəsinə və tariximizə hörmət əlaməti olaraq o, bütün əşyaları vaxtı ilə fəaliyyət göstərdiyi kənd məktəbinin bir otağında toplayıb. Eksponatların toplanmasına isə 34 ilini sərf edib.
"82-ci ildən başladım bu eksponatları bura yığmağa. Eksponatların əsas mənbəyi hara idi. Bizim kəndin o asfalt olan tərəfində qalaçalar deyilən yer var idi. Ora qədim insan yaşayış məskəni olub", - deyə eksponatları toplayan Fazil Əhmədov bildirib. Tarixin müxtəlif dövrlərini əhatə edən bu eksponatları Fazil müəllim, əsasən, sakinlərdən və rayon ərazisində aparılan yol bərpa işləri zamanı əldə edib.
Hazırda muzeydə olan ən qədim eksponatın 3 min yaşının olduğu bildirilir. Keçmiş tarix müəllimi qədim əşyaların bir neçəsini hətta rayon muzeyinə hədiyyə edib. Məktəbdə toplanan eksponatların hətta müəyyən vaxtlarda sərgilənməsi də həyata keçirilir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
