Dünya

Türkiyədə iki yeni nazirlik yaradılıb

11 Oktyabr 2021 23:30
0 Şərh     Baxış: 891
VTB-də minimal faiz dərəcəsi ilə nağd kredit 9.9%-dən

Türkiyədə Ətraf mühit, şəhərsalma və iqlim dəyişikliyi, habelə Miqrasiya nazirlikləri yaradılıb.

Milli.Az APA-ya istinadən xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin növbəti iclasından sonrakı açıqlamasında bildirib.

Prezident Ərdoğan deyib ki, son iclasda Türkiyənin yaşıl inkişaf mərhələsini uğurla keçməsi üçün Ətraf Mühit və Şəhərsalma Nazirliyinin adı dəyişdirilərək Ətraf Mühit, Şəhərsalma və İqlim Dəyişikliyi kimi adlandırılmasına qərar verilib.

Paris İqlim Müqaviləsinin Türkiyə parlamentində yaxın zamanda təsdiqinin gözlənildiyini vurğulayan Türkiyə prezidenti yeni nazirliyin nəzdində İqlim Dəyişikliyi və Adaptasiya Komissiyası yaradıldığını, İqlim Dəyişikliyi İdarəsi qurulduğunu, Metrologiya, Çölləşmə və Eroziya ilə Mübarizə Baş İdarələrinin yeni nazirliyin nəzdinə keçdiyini bildirib.

R.T.Ərdoğan Türkiyənin Daxili İşlər Nazirliyinin nəzdində olan Miqrasiya İdarəsinin isə müstəqil Miqrasiya Nazirliyi olaraq fəaliyyət göstərəcəyini bəyan edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.