Dünya

Brüsseldə koronavirus məhdudiyyətlərinə etiraz etdilər

12 Sentyabr 2021 09:31
0 Şərh     Baxış: 744

Belçikanın paytaxtı Brüsseldə koronavirusun yayılmasının qarşısını almaq üçün tətbiq edilən məhdudiyyətlərə qarşı etiraz aksiyası keçirilib.

Milli.Az Trend-ə istinadən xəbər verir ki, etiraz aksiyasını "EuropeansUnited.eu" və "World Freedom Alliance" qeyri-hökumət təşkilatları təşkil edib.

Şəhərin polis idarəsinin məlumatına əsasən, etiraz aksiyasında 3 min, təşkilatçıların qiymətləndirməsinə əsasən isə 5 min nəfər iştirak edib. Aksiya iştirakçılarının əksəriyyəti Belçikanın, Niderlandın, Almaniyanın və Fransanın əyalətlərindən olub.

Etirazçılar əllərində "Qoyun yaşayaq!", "Məcburi vaksinasiyaya yox!", "Sanitar buraxılışlara yox!" kimi şüarların olduğu plakatlar olub.

Etyiraz aksiyası şəhər rəhbərliyi ilə razılaşdırılıb, polis əməkdaşları aksiyaya nəzarət ediblər, amma keçirilməsinə müdaxilə etməyiblər. Mitinq insidentsiz keçib və təxminən 2 saat davam edib.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.