Dünya

Türkiyədə 5 nəfər dənizdə boğularaq ölüb, üçü itkin düşüb

22 İyul 2021 23:49

0 Şərh Baxış: 1 480

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Türkiyənin bəzi şəhər və rayonlarında yerləşən dənizlərin çimərliklərindən istifadə qadağan olunub.

Milli.Az APA-ya istinadən xəbər verir ki, buna küləkli hava şəraitində dalğalı sularda 5 nəfərin boğularaq ölməsi səbəb olub.

İstanbulun Şile rayonunda Ayazma çimərliyində 5 nəfər suda boğulub. Onlardan ikisi ölüb, biri xilas olunub, suda batan digər iki nəfər isə axtarışdadır. Şilenin Kızılcaköy çimərliyində isə bir nəfər boğularaq ölüb. Kocaelinin Kandıra rayonunda Tuzağzı çimərliyində 3 nəfər Mərmərə dənizində suda batıb, 16 və 13 yaşında iki qardaşın dənizdən cəsədi çıxarılıb, 35 yaşlı digər şəxs xilas edilib. Kandıranın Bağırqanlı çimərliyində isə 23 yaşlı bir gənc dənizdə itkin düşüb.

Küləkli hava ilə əlaqədar bu çimərliklər də daxil olmaqla İstanbulun Sarıyer Gümüşdere, Sakaryanın Karasu və Kocaali rayonlarında və Düzcenin Qaradəniz sərhədi olan Akcakoca rayonlarında dənizə girmək qadağan olunub.

Qeyd edək ki, Karasu çimərliyindən istifadə edən 32 nəfərdə dəri xəstəliyi də aşkarlanıb.

Milli.Az