Dünya

ABŞ-da KXDR-in dialoqun bərpası təklifinə tezliklə cavab verəcəyinə ümid edirlər

21 İyun 2021 22:20

Baxış: 709

VTB-də minimal faiz dərəcəsi ilə nağd kredit 10.49%-dən

ABŞ Şimali Koreyanın Vaşinqtonun dialoqa başlamaq barədə təklifinə tezliklə cavab verəcəyinə ümid edir.

Milli.Az AZƏRTAC-a istinadən xəbər verir ki, bu barədə ABŞ-ın KXDR üzrə xüsusi nümayəndəsi Son Kim Cənubi Koreyanın yarımadada sülh və təhlükəsizlik məsələləri üzrə xüsusi nümayəndəsi No Qyu Dokla iyunun 21-də Seulda baş tutan görüşü zamanı bildirib.

KXDR lideri Kim Çen Inın Pxenyanın həm dialoqa, həm də ABŞ-la qarşıdurmaya hazırlaşmalı olduğu barədə son bəyanatına toxunan Son Kim Vaşinqtonun da hər iki ssenariyə hazır olduğunu vurğulayıb.

"Biz hər iki varianta da hazır olacağıq, çünki hələ danışıqlar barədə təkliflərimizə cavab gözləyirik. Ümid edirik ki, Kim Çen Inın dialoqdan bəhs etməsi tezliklə müsbət cavab alacağımıza işarədir", - deyə Amerikalı diplomat bildirib.

Son Kim Vaşinqtonun Koreya yarımadasının diplomatıya yolu ilə tam nüvəsizləşdirilməsi məsələsinə sadiq qaldığını təsdiqləyib və Koreyalararası dialoq, əməkdaşlıq və yaxınlaşmanın inkişafını dəstəkləyib.

No Qyu Dok isə öz növbəsində Seulun Pxenyan və Vaşinqton arasında dialoqun tez bir zamanda bərpası üçün səylərini davam etdirəcəyini bildirib. "Biz Koreyalararası münasibətlərin və ABŞ-KXDR münasibətlərinin qarşılıqlı maraqlar əsasında bir-birini tamamlayan strukturunu bərpa etmək istəyirik", - deyə Cənubi Koreyanın xüsusi nümayəndəsi əlavə edib.

Milli.Az