Dünya

Zelenski Putinin görüş təklifini qəbul etdi

26 Aprel 2021 15:46
Baxış: 903
VTB-də minimal faiz dərəcəsi ilə nağd kredit 10.49%-dən

Ukrayna Prezidenti Vladimir Zelenski administrasiyasının rəhbəri Andriy Yermaka üz-üzə görüş təşkil etmək üçün Rusiya Prezidenti Vladimir Putinin administrasiyası ilə əlaqə yaratmağı tapşırıb.

Milli.Az qafqazinfo-ya istinadən xəbər verir ki, bu barədə "TASS" agentliyi məlumat verib.

Ukrayna lideri bildirib ki, Yermak Rusiya tərəfi ilə qarşılıqlı anlaşma tapmalı və qarşıdakı danışıqların vaxtını, yerini və təfərrüatlarını müəyyənləşdirməlidir.

"Mənə elə gəlir ki, hər şey görüşə doğru gedir",- deyə Zelenski qeyd edib.

Bundan əlavə, V. Zelenski V. Putinlə Ukraynadakı rusların vəziyyəti və pravoslav kilsələrinin statusu məsələsini də müzakirə etməyə hazır olduğunu vurğulayıb.

Rusiya Prezidentinin mətbuat katibi Dmitri Peskov "TASS" agentliyinə açıqlamasında isə Kremlin qarşıdakı görüşün təfərrüatları barədə hələ ki, məlumatının olmadığını açıqlayıb.

Xatırladaq ki, 20 apreldə Zelenski Putinə müraciət edərək müharibənin getdiyi Donbassın istənilən yerində görüşmək təklifi etmişdi.

Cavabında Putin Zelenskini ikitərəfli münasibətləri istənilən vaxt müzakirə etmək üçün Moskvada qəbul etməyə hazır olduğunu bildirmişdi. Rusiya lideri qeyd etmişdi ki, Kiyev qondarma Donetsk və Luqansk Xalq Respublikaları (DPR və LPR) nümayəndələri ilə münaqişənin həlli ilə bağlı danışıqlar aparmalıdır.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.