Dünya

18 min dollarlıq iftar süfrəsi - VİDEO

8 Aprel 2021 14:24
Baxış: 821

Dubay səmasında 18 min dollara iftar xidməti veriləcək.

Milli.Az sfera.az-a istinadən bildirir ki, BƏƏ-də yerləşən özəl aviasiya şirkəti "Jetex" müştərilərinə Ramazan ayında səmada iftar xidməti təqdim edəcək.

Aviasiya şirkəti iki nəfərlik iftar menyusunun qiymətinin 18 min dollar dəyərində olduğunu açıqlayıb.

Səmada iftar xidməti ilə əlaqədar açıqlama verən "Jetex" müştərilərin VIP terminalında lüks avtomobillə qarşılanacaqlarını və təyyarəyə doğru aparılacaqlarını bildirib.

Şirkət bu günədək 15 nəfərin iftar xidmətini sifariş etdiyini bildirərək Ramazan ayında əldə ediləcək gəlirlərin BƏƏ-də yerləşən qlobal xeyriyyəçilik təşkilatı "Dubai Cares"ə bağışlanacağını qeyd edib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.