Dünya

Rusiya ABŞ-a xəbərdarlıq etdi

6 Aprel 2021 17:38
Baxış: 930
VTB-də minimal faiz dərəcəsi ilə nağd kredit 9.9%-dən

Moskva və Vaşinqtonun nümayəndələri Donbasdakı vəziyyətlə bağlı təmasda olublar.

Milli.Az unikal.org-a istinadən bildirir ki, bu barədə Rusiya xarici işlər nazirinin müavini Sergey Ryabkov bildirib.

"ABŞ administrasiyası ilə Donbasla bağlı təmaslarımız oldu. Biz ABŞ tərəfinə baş verənləri ətraflı şəkildə izah etdik. Ukraynanın şərqində Kiyev və onun ABŞ başda olmaqla Qərbdəki havadarları tərəfindən getdikcə daha təxribatçı və çağırışçı siyasi xətt aparıldığı müşahidə olunur. Vaşinqton bu koordinasiya olunmuş siyasətin nəticələrindən narahat olmalıdır. Artıq bu mövzuya qayıtmaq üçün bir səbəb görmürəm", - deyə Rusiya XİN başçısının müavini vurğulayıb.

Qeyd edək ki, dünən Dövlət Departamentinin nümayəndəsi Vaşinqtonun Ukraynanın şərqindəki vəziyyətlə bağlı Moskva ilə əməkdaşlığa açıq olduğunu söyləyib. Eyni zamanda, onun sözlərinə görə, ABŞ Krımda olduğu kimi Ukrayna ilə sərhəddə də Rusiya qoşunlarının hərəkəti barədə hesabatları etibarlı hesab edir. ABŞ xarici siyasət idarəsinin sözçüsü Rusiyanı vəziyyətin kəskinləşməsinə səbəb ola biləcək hərəkətlərdən çəkinməyə çağırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.