Dünya

Ermənistanda "Boeing 737" təyyarəsi qaçırılıb? - Araşdırma aparılır

23 Fevral 2021 15:43
Baxış: 853

Ermənistanın Mülki Aviasiya Komitəsi "Boeing 737" təyyarəsinin qaçırılması barədə məlumatları yoxlayır.

Milli.Az Trend-ə istinadən bildirir ki, bu barədə Komitənin mətbuat xidməti bildirib.

Qeyd edək ki, Ermənistan baş nazirinin sabiq müşaviri Akom Çaqaryan fevralın 21-də Birləşmiş Ərəb Əmirliklərinin Mülki Aviasiya Komitəsindən Ermənistan qeydiyyat nömrəli "Boeing"in qaçırılması barədə teleqram aldığını bildirib.

Teleqramda qeyd edilib ki, Estoniyadan Yerevana gəlməli olan təyyarənin istiqaməti BƏƏ-yə dəyişdirilib. Amma təyyarə BƏƏ-yə çatmadan Tehranda eniş edib.

Hazırda təyyarənin qaçırılması ehtimalı ilə bağlı araşdırma aparılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.