Dünya

NASA-nın aparatı Marsda araşdırma aparacaq - VİDEO

19 Fevral 2021 10:44

Baxış: 1 790

#VİDEO

Sayca 5-ci aparat Mars planetində araşdırma aparacaq

"NASA"nın "Perseverance Rover" aparatı yeddi aylıq səfərdən sonra Mars planetinə eniş edib.

"Perseverance" kosmik aparatı Marsa enişdən dərhal sonra planetdə çəkdiyi ilk ağ-qara fotosunu göndərib. Önümüzdəki günlərdə sözügedən aparatın planetdə daha çox şəki çəkəcəyi gözlənilir. Mühəndislər bu şəkillər vasitəsiylə Marsdakı torpağın nə olduğunu qiymətləndirməyə çalışacaqlar.

Milli.Az xəbər verir ki, bu barədə "BBC" məlumat yayıb.

NASA zonddan enişin uğurlu olduğunu göstərən siqnal aldığını bildirib. Aparat üç trosla Yezero kraterinə yumşaq şəkildə enib. Yezero kraterində nəhəng gölün olduğu ehtimal edilir. Altı təkərli aparat ən azı iki il ərzində Marsdakı çökmə süxurların xüsusiyyətlərini öyrənəcək. Bu, ABŞ kosmik agentliyi tərəfindən Marsa yerləşdirilən ikinci 1 tonluq roverdir. Onun sürəti əvvəlcə 20 000 km/saat, daha sonra 3,2 km/saat təşkil edib. Bu, Marsa enən NASA-nın beşinci kosmik aparatıdır.

"Perseverance" Marsdakı çökmə süxurların xüsusiyyətlərini öyrənməklə yanaşı, həm də göyərtəyə quraşdırılmış xüsusi "kabinet"də bunların nümunələrini toplayacaq. Burada saxlanılan minerallar Marsa göndəriləcək Avropa Kosmik Agentliyi və NASA-nın xüsusi müştərək missiyası ilə planetimizə gətiriləcək. Həmin missiyanın 2026-cı ildən tez baş tutmayacağı da məlumdur. İlk dəfə isə Curiosity rover adlı aparat 2012-ci ildə marsda bir kraterə enmişdi

Qeyd edək ki, Birləşmiş Ərəb Əmirlikləri və Çin də son bir ildə Marsa öz kosmik aparatlarını göndərib.

Milli.Az