Dünya

Almaniyada insan alveri ilə məşğul olan dəstə saxlanılıb

20 Yanvar 2021 08:22
Baxış: 726
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Alman səlahiyyətliləri bir sıra federal ərazilərdə insan alveri ilə məşğul olan beynəlxalq dəstəsinə qarşı böyük əməliyyat həyata keçirib.

Milli.Az Trend-ə istinadən bildirir ki, bu barədə Kempten şəhər prokurorluğu və Münhendəki federal polisin cinayət istintaq şöbəsi açıqlama verib.

400-dən çox zabitin iştirak etdiyi genişmiqyaslı əməliyyat nəticəsində beş nəfər həbs olunub, cinayətə aid küllü miqdarda sübut və dəlillər toplanılıb.

2019-cu ilin aprel ayından böyük miqdarda pul müqabilində "Balkan yolu" ilə Suriya, Livan və Liviyadan olan 140 nəfərin Almaniyaya mikroavtobus və avtomobillərlə gətirildiklərinə görə 19 nəfər istintaqa cəlb edilib. Əməliyyat Avstriya, Macarıstan, Çexiya, Slovakiya, Niderlandın və Avropa Birliyinin (AB) hüquq-mühafizə orqanı olan Europolun dəstəyi ilə aparılıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.