Dünya

AYİB Gəncə üçün Azərbaycana kredit ayırıb

24 Noyabr 2020 14:19
Baxış: 464

Avropa Yenidənqurma və İnkişaf Bankı (AYİB) Gəncə şəhərində bərk tullantıların toplanması infrastrukturunun modernləşdirilməsi məqsədilə Azərbaycan hökumətinə 10 milyon avro kredit ayırıb.

Milli.Az Trend-ə istinadən bildirir ki, layihə Gəncədə tullantıların toplanması xidmətinin ətraf mühit, sağlamlıq və təhlükəsizlik standartları baxımından yaxşılaşdırılması məqsədi daşıyır. Hazırda layihə konsepsiya yoxlamasından keçib və yekun yoxlamanı gözləyir.

Borcalan qismində Maliyyə Nazirliyi çıxış edir. İcraçı orqan isə Gəncə Şəhər Mənzil-Kommunal Təsərrüfatı İstehsalat Birliyidir.

Kreditin təsdiq olunma tarixi 15 dekabr 2020-ci ildir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.