Dünya

ABŞ-da son 67 ildə ilk...

20 Noyabr 2020 10:01
Baxış: 1 311
VTB-də minimal faiz dərəcəsi ilə nağd kredit 10.49%-dən

ABŞ Federal Məhkəməsi bir neçə onillik ərzində ilk dəfə federal səviyyədə haqqında müvafiq hökm çıxarılan qadının edamını təxirə salıb.

"Qafqazinfo" "NBC" telekanalına istinadən xəbər verir ki, cinayətkarın vəkilləri koronavirusa yoluxduğundan onun əfvinə dair ərizə hazırlaya bilməyiblər.

Məhkəmə sərəncamına əsasən, 2004-cü ildə hamilə qadını boğaraq öldürən Liza Montqomerinin edam cəzası 2020-ci ilin sonunadək keçirilə bilməz. Telekanal qeyd edir ki, bu qərar sayəsində vəkillərin Montqomeri barəsində hökmün yumşaldılması üçün vəsatət hazırlamağa vaxtı olacaq.

Oktyabrın ortalarında ABŞ Ədliyyə Nazirliyi bildirmişdi ki, Montqomeri dekabrın 8-də edam ediləcək. Qeyd edilmişdi ki, hökm İndiana ştatında ölümcül inyeksiya vasitəsi ilə icra edilməlidir. "Reuters" agentliyinin məlumatına görə, son dəfə Birləşmiş Ştatlarda federal səviyyədə məhkum edilmiş qadın 1953-cü ildə edam edilib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.