Dünya

Çin Yerin müşahidəsi üçün orbitə bir neçə peyk çıxarıb

28 Oktyabr 2020 00:45
Baxış: 534

Çin Yerin məsafədən yüksək görüntü ilə zondlanması üzrə orbitə eyni vaxtda bir neçə peyk çıxarıb.

Milli.Az AZƏRTAC-a istinadən bildirir ki, peykləri orbitə çıxaran "Böyük yürüş-2C" (Long March-2C) raketinin buraxılışı Siçuan vilayətindəki Siçanq buraxılış məntəqəsindən oktyabrın 26-da gecə saat 23:19-da baş tutub. "Yaogan-30" ailəsindən olan peyklər planlaşdırılan orbitə çatıblar. Bu peyklər elektromaqnit mühitinin müəyyən olunması və müvafiq tədqiqatların aparılması üçün istifadə olunacaq.

Çin raket müşahidə peyklərindən başqa, məlumatların ötürülməsi üçün nəzərdə tutulan "Tiançi-6" peykini də orbitə çıxarıb.

Qeyd edək ki, bu, "Long March" seriyasından 350-ci raket buraxılışı olub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.