Dünya

Avstriyada koronavirusa yoluxmada yeni antirekord qeydə alınıb

15 Oktyabr 2020 18:36

Baxış: 449

#DÜNYADA #KORONAVİRUS

Avstriyanın Səhiyyə və Daxili İşlər nazirlikləri koronavirusa gündəlik yoluxma ilə əlaqədar ölkədə antirekord göstərici - 1552 yoluxma halı barədə məlumat yayıblar.

Milli.Az AZƏRTAC-a istinadən bildirir ki, bununla da ölkədə aktiv COVID-19 xəstələrinin sayı 13426 nəfərə çatıb, pandemiya başlayandan bəri isə Avstriyada 60 mindən çox insanda virus aşkarlanıb.

Hazırda xəstəxana şəraitində müalicə olunanların sayı 664 nəfərdir, onlardan 119 nəfər reanimasiya şöbələrinə yerləşdirilib. Ölüm hallarının sayı isə 877 nəfərə çatıb.

Koronavirusa yoluxanların əksəriyyəti paytaxt Vyananın payına düşür, ötən sutka ərzində burada 480 yeni yoluxma halı qeydə alınıb. Sonrakı yerlərdə isə Tiro (295), Aşağı Avstriya (242) və Yuxarı Avstriya (224) federal əyalətləri gəlir.

Milli.Az