Dünya

Alimlərdən SOS

18 Sentyabr 2020 22:05
Baxış: 1 365

Alimlər ABŞ-ın Nyu-Mexiko əyalətində minlərlə köçəri quşun ölü halda tapılması ilə bağlı həyəcan təbili çalıb.

Milli.Az xəbər verir ki, Nyu-Mexiko Universitetinin professoru Martha Desmondun sözlərinə görə, quşların kütləvi şəkildə məhv olmasının səbəbi sirr olaraq qalır, ancaq meşə yanğınlarından gələn tüstü və ya son soyuq hava ilə əlaqəli ola bilər.

Desmond hazırda öldürülən quşların ümumi sayının milyondan çox ola biləcəyini də qeyd edib. Mütəxəssislərin fikrincə, son illərdə Şimali Amerikada quş populyasiyası kəskin şəkildə azalıb.

Ancaq ABŞ-da belə bir dəhşətli mənzərə yalnız Nyu-Mexiko əyalətində deyil, qonşu olan bölgələrdə də müşahidə edilə bilər. Onların arasında Kolorado, Arizona və Texas da var.

Alimlər meşə yanğınlarından gələn tüstünün köçəri quşları bu qədər güclü və dramatik şəkildə təsir edə biləcəyini, xüsusən quşların ağ ciyərlərinə mənfi təsir göstərə biləcəyini və ya köç yollarını dəyişdirməyə məcbur edə biləcəklərini düşünürlər. (publika.az)

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.