Dünya

Paşinyanın qohumu Azərbaycana axan çayın qabağını kəsdi

13 Sentyabr 2020 18:05
Baxış: 3 101
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Ermənistan parlamentinin deputatı, baş nazir Nikol Paşinyanın qohumu Sipan Paşinyan Tovuz rayonu ilə həmsərhəd Doveq kəndində Azərbaycana axan çayın qabağını ekskovatorla kəsib. Və özünün Facebook səhifəsində bu barədə video paylaşıb.

Milli.Az virtualaz.org-a istinadən bildirir ki, Paşinyan bildirib ki, daha bu çayın suyu Azərbaycana axmayacaq.

O, Doveq kəndinin əkin sahələrinin az bir qisminin çaydan özaxınla suvarıldığını, qalan hissəsinin susuzluqdan əziyyət çəkdiyini deyib. Ona görə də deputat kənddə yeni nasos stansiyasının tikildiyini deyib. "İşlər davam edir, son ştrixlər qalıb. Tezliklə yekunlaşdıracağıq və kəndlilərimiz bu çayın suyundan Azərbaycana axıb getməzdən qabaq istifadə edəcəklər", - Paşinyanın qohumu bildirib.

Qeyd edək ki, ermənilərin həm işğal edilmiş ərazilərdə, həm Ermənistanın sərhəd ərazilərində Azərbaycana axan çayların qabağını kəsməsi ilk hal deyil. İllərdir işğalçılar Sərsəng su anbarını bağlayaraq yayda Tərtər kəndlərini susuz qoyurlar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.