Dünya

Dünyada sutka ərzində koronavirusa yoluxanların sayı 100 mindən az artıb

27 May 2020 08:34

Baxış: 1 138

VTB-də minimal faiz dərəcəsi ilə nağd kredit 9.9%-dən

#DÜNYADA #KORONAVİRUS

Dünyada yeni yoluxmuş koronavirus növlərinin sayı gündə 100 mindən az artaraq 5,4 milyonu keçib. Eyni zamanda, infeksiya ilə əlaqədar ölənlərin sayı 1,4 mindən çox artaraq 343 mini keçdi.

Milli.Az Trend-ə istinadən xəbər verir ki, bu barədə Ümumdünya Səhiyyə Təşkilatı bildirib.

Bildirilib ki, dünyada 5 404 512 yoluxma və 343 514 ölüm halı qeydə alınıb. Sutka ərzində daha 99 780 nəfər koronavirusa yoluxub, 1 486 nəfər isə ölüb.

Şimali və Cənubi Amerika bölgəsi yoluxanların sayına görə birinci yerdədir - 2 454 452. Sutka ərzində onların sayı 59 157 nəfər artıb. Orada ölənlərin sayı 2 267 nəfər artaraq 143 739 nəfərə çatıb. Avropada 2 041 705 yoluxma və 173 213 ölüm halı qeydə alınıb. Bəzi ölkələrdə səhiyyə nazirlikləri tərəfindən ölüm halları barədə məlumatlara yenidən baxılması səbəbindən ölənlərin sayı 1 215 nəfər azalıb.

Dünyada yoluxanların sayında üçüncü yeri Şərqi Aralıq dənizi bölgəsi tutur. Orada 438 900 yoluxma faktı aşkarlanıb, 11 293 nəfər ölüb. Sutka ərzində yoluxanların sayı 11 068 nəfər artıb, 129 nəfər ölüb.

Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.

Milli.Az