Dünya

Paşinyan: "Ermənistanda koronavirusla əlaqədar məhdudiyyətlər yenidən tətbiq oluna bilər"

13 May 2020 16:34
0 Şərh     Baxış: 711

Ermənistanda koronavirusa yoluxma templəri indiki kimi davam edəcəksə, məhdudiyyətlər yenidən tətbiq oluna bilər.

Milli.Az Trend-ə istinadən xəbər verir ki, bunu ölkənin baş naziri Nikol Paşinyan öz "Facebook" səhifəsində canlı yayım zamanı deyib.

O bildirib ki, koronavirus böhranı ictimaiyyətin diqqətindən uzaqlaşır və bu da problemlərin artmasına səbəb olur:

"Artıq bir neçə gündür ki, ölkədə 100-dən çox yoluxma qeydə alınır. Bu, onu bildirir ki, epidemioloji tələblərə tam əməl olunmur. Bu cür templə biz çox ciddi böhranla üzləşə bilərik".

Qeyd edək ki, bu günədək Ermənistanda 3 718 koronavirusa yoluxub, 50-yə yaxın xəstə ölüb.

Ölkədə mayın 14-dək fövqəladə vəziyyət elan olunsa da, mayın 4-dən bəzsi məhdudiyyətlər aradan qaldırılıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.