Dünya

Türkiyədə otellər bu yay belə işləyəcək - Qaydalar

7 May 2020 11:06
2 Şərh     Baxış: 2 347

Türkiyədə koronavirusla bağlı karantin rejimi qaydalarının yumşaldılması istiqamətində turizm sahəsində normallaşma planı hazırlanıb.

Milli.Az qafqazinfo-ya istinadən xəbər verir ki, yeni plana görə, bütün nəqliyyat daşıyıcılarında dezinfeksiyaedici vasitələr olacaq, yanaşı oturacaqlardan biri boş qalacaq.

Otel ərazisinin yalnız 60%-nin müştərilərlə dolu olmasına icazə veriləcək. Otelə gələn müştərinin maskası olmazsa, o, həmin vasitə ilə təmin ediləcək. Turistin girişdə hərarəti ölçüləcək. Binanın qəbul şöbəsində sosial məsafə cizgisi çəkiləcək. Virus əleyhinə fərqli dillərdə broşurlar və məlumat vərəqələri paylanacaq. Liftlər, dəhlizlər daxil olmaqla, otelin müxtəlif yerlərinə dezinfeksiyaedici vasitələr qoyulacaq.

Qapı tutacaqları, sensor ekranlar, nəzarət panelləri, tualetlər və dəzgahların üzəri dezinfeksiya ediləcək. Gözləmə zallarında sıxlığa yol verməmək üçün oturacaqların və kresloların sayı azaldılacaq. Otaqlardakı su qızdırıcıları, televiziya və kondisioner pultları turist oteldən getdikdən sonra dezinfeksiya ediləcək. Otaqlar 12 saat boş saxlanılacaq.

Açıq bufetlər şüşə aralıqla örtüləcək və yeməkləri otel personalı təqdim edəcək. Duz, ədviyyat və diş çöpü qabları masalardan yığışdırılacaq, onları birdəfəlik istifadə oluna bilən paketlər əvəz edəcək.

Üzgüçülük hovuzu, şezlonqlar olan sahələrdə sosial məsafə gözlənilməlidir. Turistin hovuza girmədən əvvəl riayət etməli olduğu qaydalar yazılmış lövhələr gözlə görülə bilən yerlərdə asılacaq. Fitnes salonu və SPA sahələri bu il bağlı olacaq.

Qeyd edək ki, Türkiyədə Ramazan bayramından sonra ölkədaxili, iyunun 12-dən sonra isə xarici uçuşlar başlayacaq. Xaricdən Türkiyəyə ilk uçuşlar Almaniya və Rusiyadan ediləcək. Ancaq bu uçuşlar hər iki ölkədə epidemiya riskinin az olduğu şəhərlərin hava limanlarından ediləcək.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics