Dünya

İranda təhsil müəssisələri ilin sonunadək fəaliyyətini dayandırdı

5 Mart 2020 17:13

0 Şərh Baxış: 1 659

VTB-də minimal faiz dərəcəsi ilə nağd kredit 10.49%-dən

#IRAN #KORONAVİRUS

"İranda ilin sonuna kimi (21 mart 2020-dək) məktəb və universitetlərin fəaliyyətinin dayandırılmasına qərar verilib".

Milli.Az Trend-ə istinadən xəbər verir ki, bunu İranın səhiyyə, müalicə və tibbi təhsil naziri Səid Nəməki mətbuat konfransında deyib.

İranlı nazir məktəb və universitetlərin fəaliyyətinin dayandırması nəticəsində istirahət məkanlarına səfərlərin ləğv edilməsini İran vətəndaşlarına tövsiyə edib.

S.Nəməkinin sözlərinə görə, İran vilayət rəsmiləri, polis və digər qurumların köməyi ilə vilayətlər arasında gediş-gəlişlər məhdudlaşdırılacaq.

Nəməki əlavə edib ki, virusa yoluxma və ya şübhəli halı gizlədən şəxslər cinayət məsuliyyətinə cəlb olunacaq.

Qeyd edək ki, İranda 107 nəfər bu virus nəticəsində ölüb, ötən sutka ərzində 591 nəfər yeni koronavirusa yoluxub və ümumilikdə yoluxanların sayı 3 513-yə yüksəlib.

Milli.Az