Dünya

Beyrutda 50-dən çox nümayişçi xəsarət alıb

15 Dekabr 2019 09:29
0 Şərh     Baxış: 755
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Livanın paytaxtında daxili təhlükəsizlik qüvvələri və hərbiçilərlə iğtişaşlar zamanı 54 nümayişçi xəsarət alıb.

Milli.Az Trend-ə istinadən bildirir ki, onlarla insan xəstəxanalara yerləşdirilib. Livanın DİN-i 20 nəfər polisin, o cümlədən üç nəfər polis zabitinin yaralandığını bildirir. İğtişaşçılar polis qüvvələrinə daş yağdırıblar. Polis isə öz növbəsində gözyaşardıcı qazdan istifadə edib.

Ciddi qarşıdurma dekabrın 14-ü axşam saatlarında, bir qrup nümayişçinin parlament binasına daxil olmaq cəhdlərindən sonra başlayıb. İğtişaşlar bir neçə saat davam edib. Nümayişçilərə qoşulmaq üçün Livanın digər ərazilərindən də Beyruta çoxsaylı etirazçılar gəlib.

Qeyd edək ki, hökumətə qarşı etirazlar Livanda 17 oktyabrda başlayıb. Saad Haririnin istefasına baxmayaraq etirazlar səngiməyib. Ölkədəki siyasi və maddi durum acınacaqlı vəziyyətdə qalmaqda davam edir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.