Əfqanıstanın Qəzni şəhərində, Milli Kəşfiyyat Xidmətinin (MKX) yerli idarəsinin binası qarşısında güclü partlayış olub.
Milli.Az AsiaOne-a istinadən bildirir ki, "canlı bomba"nın törətdiyi partlayışda MKX-nin 8 əməkdaşı və 4 mülki şəxs həlak olublar.
Qəzni qubernatorunun bəyanatında bildirilir ki, teraktda 96 nəfər yaralanıb. Yaralıların əksəriyyəti məktəblilərdir.
Az öncə yayılmış rəsmi məlumata görə, yaralıların sayı 179 nəfərə çatıb.
Terakta görə məsuliyyəti "Taliban" boynuna götürüb.
Milli.Az