İyunda Gürcüstanda bir sıra ərzaq məhsullarının qiyməti artıb. Ölkədə 1 faiz inflyasiya qeydə alınıb.
Milli.Az AZƏRTAC-a istinadən bildirir ki, bu barədə Gürcüstanın Milli Statistika İdarəsinin hesabatında deyilir.
Bildirilir ki, illik inflyasiya isə 4,3 faiz təşkil edib.
Ötən ay Gürcüstanda qənd, cem, bal, şokolad və qənnadı məmulatlarının qiyməti 1,3 faiz, süd, pendir və yumurtanın qiyməti isə 0,7 faiz bahalaşıb.
İllik inflyasiya ilə müqayisədə ərzaq məhsulları və alkoqolsuz içkilərin qiyməti 6,5 faiz, alkoqollu içkilər və tütünün qiyməti 20,1 faiz, nəqliyyat xərcləri 3,2 faiz, səhiyyə xərcləri isə 2,9 faiz artıb.
Milli.Az