Dünya

“Sizin başınızı daşla əzəcəyik!...” - İrəvandakı mitinqdə Qarabağda yaşayan ermənilər belə hədələndi

26 May 2019 15:27
1 Şərh     Baxış: 4 401

Ötən gün mayın 25-də Yerevanda keçirilən mitinqdə Ermənistanın eks-prezidenti Robert Köçəryanın tərəfdarları, o cümlədən Dağlıq Qarabağın qondarma "prezidenti" hədələnib.

Milli.Az Virtualaz.org-a istinadən xəbər verir ki, Yerevanın Azadlıq Meydanında Nikol Paşinyanın bir neçə min tərəfdarı toplanıb. Onlar Paşinyanın məhkəmə sistemində islahatlara dair təşəbbüsünə dəstək veriblər. Mitinq Yerevanın mərkəzi küçələrində yürüşlə yekunlaşıb.

Aksiyanın təşkilatçılarından biri Civan Abramyan deyib ki, məhkəmə sistemində islahatlar korrupsioner məmurları yerində oturdacaq. Onun sözlərinə görə, hazırkı məhkəmə sistemi keçmiş rejimdən asılıdır və siyasi sifarişləri yerinə yetirir.

Civan Abramyan çıxışında Robert Köçəryana dəstək verdiyi üçün Dağlıq Qarabağın qondarma "prezidenti" Bako Saakyanın və digərlərinin "başını daşla əzmək" barədə danışıb. O deyib ki, insanları Robert Köçəryanın tərəfdarlarının, Bako Saakyan da daxil olmaqla, başını daşla əzməyə çağıra bilərlər.

Saakyanın xüsusi işlər üzrə köməkçisi Arşavir Qaramyan Civan Abramyanın çıxışının videosunu sosial şəbəkədə paylaşaraq buna "hüquqi qiymət verilməsinə" çağırıb.

Hakim "Mənim addımım" blokunun nümayəndələri-parlamentin vitse-spikeri Aln Simonyan və deputat Mxitar Ayrapetyan isə Qaramyanın yazdıqlarına cavab olaraq bildiriblər ki, Yerevandakı mitinqin təşkilatçılarını tanımırlar.

Məlumatlara görə, Köçəryanın əleyhdarlarının mitinqi zamanı para.tv internet kanalının jurnalisti bıçaqlanıb. Bu insidentin təfərrüatları məlum deyil.

Milli.Az 

loading...

Şərh yaz:

1 Şərh:

  • Anonim
    Roya · 26 May 16:12120

    Qarabağlılar deyende orda yaşayan ermenileri nezerde tutmusuz yeqin.Qarabağlılar yox Qarabağda yaşayan ermeniler.Onlar Qarabağa ordan-burdan köçrülüb,esil Qarabağlılar da helede qaçqın heyatı yaşayırlar.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.